Samyrkjubúið

2005-02-24T10:28:00.000-08:00

ælkasdjfælaksdjfa

2004-10-13T03:01:00.000-07:00

Ég skrifaði þessa grein á frelsi.is fyrir nokkrum mánuðum , hversu vel á hún við í dag??? Ég bara spyr...

Forysta sjómannasambandsins skerðir afkomu umbjóðenda sinna
10.6.2004 Steingrímur Arnar Finnsson

Í kjarasamningum sjómanna er kveðið á um hve margir sjómenn skulu vinna um borð á tilteknum skipum. Slík klausa er firra í alla staði þ.s. hún tekur alla hagræna framleiðsluhvata úr sambandi. Ef útgerðarmaðurinn ætlar að auka framleiðni í vinnslu á skipi sínu og þar með ábata rekstrarins, sér og sjómönnunum í hag, þá er það honum ómögulegt þ.s. hann getur ekki minnkað vinnuaflsnotkun um borð í takt við aukna framleiðni framleiðsluþáttarins.

Framleiðniaukning er eina leiðin til þess að auka raunlaun launþega. Þ.e.a.s. þegar hægt er að vinna ákeðið verk með færri verkamönnum og eða með færri vinnustundum þá hlýst af því aukin ábati, þ.e. hagnaður sem gefur eiganda fyrirtækis svigrúm til launahækkana.

Forysta sjómannasambandsins þarf að vakna af fegurðarblundinum og horfast í augu við þá firru sem klausan um vinnuaflsnotkun er og anda heldur að sér þeim ferksa blæ sem umleykið hefur vinnumarkaðinn á undanförnum misserum t.d. með vinnustaðasamningum og slíkum kjaraaðferðum.

Kvaðir á framleiðsluþáttanotkun dregur úr hagkvæmni og þ.a.l. ábata bæði vinnuaflsins sem og eiganda framleiðsluþáttana.

2004-08-24T03:22:00.000-07:00

Kallinn bara kominn í gang.

Já það hlaut að koma að því. Gimpið er bara byrjað að blogga. Hamingjuóskir eru afþakkaðar en þeir sem ráða ekki við sig geta e-mailað á mig eða bara sent mér blóm. Þið ráðið.
Allavega. Það er búið að negla niður dagsetningu fyrir útskriftarferðina okkar. Brottför er áætluð fimmtudaginn 30. sept. Ég vildi fara helgina áður en Keppurinn og Lertinn verða víst eitthvað uppteknir þá helgi, hommar. Einnig var tekið tillit til Heiði en nú getur hún tekið tveggja vikna fyllerí. Spurning er hvort hún hefði hangið útí Köben ef við hefðum farið helgina áður. Þeir sem komast ekki þessa umræddu helgi geta skipulagt fund þar sem ég mun slá þau utanundir.

Kveðja,
Da Gimp

2004-08-20T08:49:00.000-07:00

stars are born....
mínir bara með massaumfjöllun á mbl.is í dag!! var verið að gefa út skýrsluna núna??

KÖBENAVN
þá er spurning hvort að hagfræðinemar sjái hag sinn (ahaha...glataður) í því að skella sér út fyrir landssteinanna?? þannig er mál með vexti að vinahópur minn er að fara í viku árshátíðarferð til köben dagana 5-11 október......mér finnst því alveg spurining hvort við skellum okkur ekki helga fyrir, þ.e. 1-4 október....hvurnig leggst það í mannskapinn?? ég myndi bara breyta miðanum mínum og fara fyrr út. líka ágætt að fara ekki of seint svo að veðrið sé nú enn sæmilegt.

heiður

2004-07-26T14:22:00.000-07:00

Jón að komast í gírinn.

2004-07-26T14:09:00.000-07:00

Jón hamstrar flögurnar meðan Steini lýsir pólitíska landslaginu fyrir Da G-man.

2004-07-26T14:06:00.000-07:00

Peace out to my nubiens!

2004-07-26T14:05:00.000-07:00

Steini í trylltum dansi.

2004-07-26T07:53:00.000-07:00

Stónerinn í myljandi fíling.Áúúú!!!!!!!! Jón er bara að chilla á kantinum á meðan.

2004-07-25T08:49:00.000-07:00

taka 2

2004-07-25T08:44:00.000-07:00

Þessi er klassík.Bara að tékka hvort þetta myndabull virki á samyrkjubúinu.
Tékk

2004-06-08T04:02:00.000-07:00

Hvernig líst fólki á að hafa fastan míting á sunnudögum og taka léttan lönsj? Kommentið á það og neglum þetta niður.

kv. Steini

2004-06-05T09:10:00.000-07:00

Jæja gott fólk!

Nú fer að nálgast sá dagur sem ég og Jóni hljótum hina virtu bullshit (B.sc) gráðu í hagfræði. Ég ætla að halda útskriftarpartý þann dag sem við útskrifumst eða laugardaginn 19.júní. Veislan hefst kl. 19.30 og ykkur er hér með boðið. Partýið verður heima hjá Pabba eða í Hjallalandi 13 108 Reykjavík þ.e. í fossvoginum. Á boðstólnum verður grill, bjór og léttvín, (hvítt fyrir Heiði). Gott væri ef Heiður gæti talað við Önnu fyrir mig því ég er ekki með símann hjá henni. Annars sjáumst við í stuði og vonandi að þið getið mætt sem flest.

kv. Steini - hagnjörður-

Annars er grísinn í ruglinu og ekki mikið fleiri orð sem ég nenni að eyða í þennan vitleysing. Eina sem á að gera við svona menn er að grilla þá á teini eins og er gert í venjubundnum svínveislum...

2004-06-03T15:40:00.000-07:00

Óli massi eða Óli spassi?

Hvernig er það, hafa hagfræðigúbbar enga skoðun á ákvörðun forsetans. Menn bara sáttir. Sjálfur er ég sáttur enda fjölmiðlalögin fáránleg í alla staði. Hvet fólk til að ropa einhverjum fúkyrðaflaumi uppúr sér. Bannað að svæfa menn með einhverjum lagaflækjum og tilvísunum í stjórnarskrána. Látum froðusnakkara um það.

Annars vil ég óska Jóni og Heiði góðs bata eftir skamma sjúkralegu sökum botnlangakasts og gallblöðruflipps. Ennfemur sendi ég Reikningshalds-fallistum mínar innilegustu samúðarkveðjur enda fátt jafn leiðinlegt og að lesa fyrir próf í Reikningshaldi. Maður uppsker sem maður sáir. Og þó, ef maður kann að snowball-a getur maður uppskorið án þess að sá.

Hvernig er það ætlar Höddi ekkert að koma með einhverjar færslur. Eða Smárinn. Ætti ekki að vera erfitt að æsa hann upp í einhverjar blammeringar á Ingibjörgu Sólrúnu og R-listann.

Bið að heilsa.

2004-06-01T16:59:00.000-07:00

It’s not my day, my week, my year....

Held ég sé föst í friends-laginu, nema ég er ekki jennifer aniston, máli mínu til stuðnings nefni ég.

1) lenti í skyndigallblöðrubrottnámi um helgina og er dæmd til verkja og rúmlegu næstu vikurnar

2) ÉG FÉLL Í REIKNINGSHALDI 2

Ok. Mér finnst allt í lagi að falla í kúrsum sem eru í raun erfiðir. En e-a hluta vegna hef ég komist hjá því hingað til. En að falla í reikningshaldi af öllu er það slakasta á námsferli mínum hingað til. Heilinn sagði bara nei þegar ég var að reyna að læra, þetta er bara of leiðinlegt.

Það versta er að mér finnst ég alveg kunna e-ð og bjóst kannski við að slefa með 5. en ég fékk ekki 5, ég fékk ekki einu sinni 4, ÉG FÉKK 3!!!!!!!!!!!!!
Sem var bara með allra, allra lægstu einkunnunum og þetta var með viðskiptafræðinni!!!

Þetta var ekki sú upplyfting sem ég þurfti á að halda. Til að bæta gráu ofan á svart missi ég síðan af massadjammi ársins í vinnunni næstu helgi. Kannski ágætt, 99,5% líkur á því (blue metill) að ég myndi gera mig að fífli fyrir framan e-ð af vinnufélögunum og þora ekki í mat næsta mánuðinn, með þessu móti kem ég í veg fyrir frekari meltingartruflanir.

ok. hef nákvæmlega ekkert að gera...komið með e-ð skemmtilegt...

heiður

2004-05-11T16:18:00.000-07:00

Dagurinn sem ég gekk ÚR Sjálfstæðisflokknum

Já, undur og stórmerki, ég hef skráð mig úr Sjálfstæðisflokknum. Ég neita alfarið að styðja andlýðræðislegar aðgerðir, sama undir hvaða yfirskyni þær eru gerðar.

Þar sem ég aðhyllist hægri stefnu er því nú enginn flokkur sem ég get stutt.

Hvernig flokkurinn hefur hagað sér undanfarið er til háborinnar skammar og get ég ekki stutt slíkan fíflagang.

Ástæðan fyrir því að ég gekk í flokkinn var að miklu leyti vegna vona sem ég batt við unga Sjálfstæðismenn. Fólk sem barðist fyrir því sem ég trúði á. Að því er ég hélt. Þeir sem sitja fyrir x-d í alsherjarnefnd eru: Sigurður Kári, Birgir Ármanns og Bjarni Ben. Allir hinir svokölluðu ungu sjálfstæðismenn sem hafið hafa upp raust sína undanfarin ár í nafni frelsis og einkaframtaksins. Ég hefði aldrei stutt þessa menn hefði ég vitað að þegar þeir væru komnir inn á þing hefðu þeir enga sjálfstæða skoðun lengur.

Af hverju eru einstaklingsframboð innan flokkanna ?
Ég held að fólk gæti sparað sér tíma og pening og sleppt þessum framboðum innan flokkanna þegar ljóst er að það skiptir engu máli hver verður valinn...allir fylgja þeir Davíð í blindni.

Ég neita að styðja nokkurn þann sem fylgir ekki eign sannfæringu eða hefur það skerrta sýn á aðstæður að hann styður mál eins og fjölmiðlafrumvarp ríkisstjórnarinnar. Er ekki nokkuð ljóst að það er e-ð bogið við gang mála þegar vinstri flokkarnir eru farnir að berjast gegn markaðheftandi aðgerðum og hægri flokkarnir með þeim.

Fannst samt best það sem Davíð sagði í fréttnum í kvödl: “Það er eins og enginn innann þessa fyrirtækis (Norðurljósa) hafi sjálfstæða skoðun. Það er eins og allir sjái þeir sig knúna til þess að fylgja skoðnunum eigenda”.
Ef þetta eru ekki orð manns sem er nú orðinn það veruleikafirrtur að hann getur ekki litið í eigin barm vinsamlegast bendið mér á það.

Sjálfstæðisflokkurinn hefur brugðist, en þeir sem hafa brugðist mest eru hinir ungu sjálfstæðismenn sem fyrir aðeins nokkrum mánuðum börðust fyrir opnum og frjálsum mörkuðum. Þ.e. áður en þeir komust þá aðstöðu að geta fylgt málstaðnum eftir!!

X-x-d

ég var einmitt að skrifa ofanritaðan pistil á síðu vinkvk þegar mér var litið á samyrkjubúið.

varðandi frjálshyggjufélagið eru þeir þessa stundina allt of einangraðir í útópískum hugsunum til þess að vera teknir alvarlega. þeir þurfa að "get real" til þess að eiga sjens á að höfða til múgsins...það og fá sterkan leiðtoga. það er ekki að trekkja mikið að berjast fyrir skattlausu ríki sem á að lifa af frjálsum framlögum þeirra sem meira eiga...það er ekki raunhæft.

annars vil ég vara menn við því að stela af samyrkjubúinu. býst við að fæstir hafa látið viðtalið við elstu konu í heimi fara fram hjá sér í síðustu viku (þar sem allt heillar meira en námsbækur í prófum). kella er 116 ára og frá hvíta rússlandi. maðurinn hennar var handtekinn á tímum stalíns og sendur í þrælkun til síberíu, from which he never returned!!!

elli, veit ekki hvort þetta var kaldhæði, en mér fannst þátturinn um sverri snapp stormsker bara fínn. maðurinn er mun geðveikari er mig nokkurn tímann óraði fyrir!

Heiður

2004-05-11T10:44:00.000-07:00

Ég er sammála um að hægt sé að gagnrýna flokkin mikið frá hægri og menn hafi ekki verið að standa undir merkjum síðustu daga.

Ég er sammála því að SUS hefur ekki staðið sig í þessu máli sem og öðrum því þetta er risaeðla sem fundar einungis einu sinni í mánuði og getur ekki ályktaðu um málefni líðandi stundar með skjótum hætti, fásinna er að slíkt fyrirkomulag sé við lýði á þeirri upplýsingaöld sem við lifum á.

Hins vegar er ég þér hróplega ósammála að Heimdallur hafi ekki staðið sig því við erum einu ungu sjálstæðismennirnir. Við höfum ályktað sem sýnist ekki vera mikið en lítið meira er svosem hægt að gera. Greinar hafa verið ritaðar og rætt við ungu þingmennina sem skellt hafa skollaeyrum við málflutningnum. Jafn sammála og ég er þér varðandi getuleysi SUS-ara og þingmanna þá hefur Heimdallur ekki sofið á vaktinni, vorum með þeim fyrstu sem ályktuðum, n.b!

Ég stend enn á þeirri meiningu að Frjálshyggjufélagið muni ekki koma til með að vera neitt annað en kult því flest allt ungt hægrifólk er í Sjálfstæðisflokki og engin grundvöllur er fyrir því að ungir vinstrikrakkar og kratar muni nokkurn tímann vilja láta kenna sig við frjálshyggju, never ever...

Hins vegar er stjórnarsamstarf á milli hægriflokks og krataflokks vænlegt til árangur, t.d. eins og Viðeyjar-stjórnin sýndi fram á.

kv. Steini

2004-05-11T04:05:00.000-07:00

Sælar

Ég er alls ekki viss um að menn muni taka lítið mark á Frjálshyggjufélaginu(eða hvað sem þeir munu kalla þennan félgasskap frjálshyggjumanna)í framtíðinni. Nánast öll frumvörp ríkisstjórnarninnar á þessu þingi hafa verið langskot sem hafa verið svo langt frá markmiðum frjálshyggjumanna í Sjálfstæðisflokknum að þau hafa verið vinstramegin við vinstri hornfánann. Beint í innkast. Framsóknarmenn eru trekk í trekk farnir að grípa í taumana og tala gegn fáránlegum frumvörpum Sjálfstæðismanna og er þá eitthvað undarlegt í gangi. Með þessari hegðan hefur Sjálfstæðisflokkurinn "kvótað sig út af markaðinum" og skapast hefur gríðarstórt svigrúm hægra megin við flokkinn.

Trúverðugleiki og styrkur hins nýja flokks hægramegin við Sjálfstæðisflokkinn er einfaldlega undir forystumönnum hans kominn. Ef þeir halda rétt á spilunum, tala af skynsemi og með málefnalegum hætti ætti að vera lítið mál fyrir flokkinn að sanka að sér fylgi óánægðra Sjálfstæðis- og Samfylkingarmanna.

Túverðugleiki SUS-ara og Heimdellinga er fyrir borð enda hafa þeir ekki sýnt andstöðu sína í verki með fullnægjandi hætti. Nema þá að senda áhrifalausar ályktanir í frímerkjastíl til Moggans sem birtir þær fyrir ofan Tapað/Fundið rétt á eftir minningagreinunum og við hliðina á Velvakanda. Ungir sjálfstæðismenn eiga að segja sig úr flokknum þegar þeim er misboðið en ekki samþykkja svona bull.Taka þingmenn á beinið, skamma þá, heimta svör frá Birgi Ármanns og hinum flottræflunum,láta þá finna fyrir því að þeirra þjónustu sé ekki óskað ætli þeir að þegja þunnu hljóði um öll þessi frumvörp.

Markmiðið að sýna samstöðu má ekki verða hugsjónum flokksmanna yfirsterkara, líkt og nú er að gerast trekk í trekk.

One Love

2004-05-10T17:05:00.000-07:00

Shalomn núbíubræður...

Maður er farinn að íhuga sína stöðu varðandi veru sína í sjálfstæðisflokknum eftir alla þá holskeflu af kjaftæði sem riðið hefur yfir íslenskt samfélag á kjörtímabilinu. Óþarfi er að telja upp þau vonbrigði sem maður hefur þurft að kyngja eða líta framhjá en sá tími kemur að maður spyr sig hvort að maður sé ekki að verða fullsaddur af þessu kjaftæði. Einnig fannst mér pæling Ellerts varðandi einokunarstöðu sjálfstæðisflokksins á hægri væng stjórnmálanna nokkuð góð og kom mér til að hugsa eilítið...

Hins vegar verður að hafa ýmislegt í huga varðandi hægri væng stjórnmálanna á íslandi. Frjálshyggjufélagið er gott félag með hugsjónir sínar á hreinu en mun aldrei verða meira en lítið kult í pólitíkinni sem menn taka lítið mark á að minni hyggju. Því er eina ráðið ef maður er reiðubúinn á annað borð að eyða tíma sínum í pólitískt vafstur að reyna berjast með ungliðahreyfingu Sjálfstæðisflokksins því helsti styrkur hægri manna á Íslandi hefur einmitt verið að splundrast ekki eins og vinstri mennirnir... Ungliðahreyfing Sjálfstæðisflokkins, þ.e. við stuttbuxnastrákarnir, erum frekar stór hreyfing þar sem fólk er meira og minna styður frjálshyggjuna. í ljósi þessa hafði ég þvílíkar væntingar til ungu þingmannanna en þeir brugðust í öllum málum á ögurstundu...

Því veltir maður aftur upp í þeirri spurningu hvort maður sé á rétta staðnum? Hring eftir hring eftir hring!

kv. SF

2004-05-10T07:01:00.000-07:00

27,1 milljarður greiddur mjólkurbændum úr ríkissjóði næstu átta árin

Framleiðslustýring og verðlagning mjólkur verður með óbreyttum hætti til ágústsloka árið 2012.

Landbúnaðarráðherra og fjármálaráðherra, fyrir hönd ríkisstjórnarinnar, og Bændasamtök Íslands undirrituðu í dag samning um starfsskilyrði mjólkurframleiðslu er gildir í átta ár eða til 31. ágúst 2012. Samkvæmt samningnum fá mjólkurbændur 28.173 milljónir úr ríkissjóði á samningstímabilinu. Verðlagning mjólkur verður með sama hætti og verið hefur.

Áfram ríkisstjórnin, þið eruð aldeilis að standa ykkur. Byltingarkenndir stjórnarhættir í alla staði. Framleiðslustýring er málið. Halda þessu áfram.

Djöfull var heimildarmyndin um stórmennið Sverri Stormsker ótrúlega góð. Gaman að sjá hvað Rúv vandar sig við að kaupa fagmannlega unnið innlent dagskrárefni fyrir milljónir. Aukum fjölbreytni á fjölmiðlamarkaði. Styrkjum Rúv. KOMA SVO!!!!

2004-05-10T04:07:00.000-07:00

Tíkurnar í Sjallanum

Sigurður Kári, Bjarni Ben, Birgir Ármannson og Guðlaugur Þór (hárkollumeistari) hafa tapað því mikilvægasta í stjórnmálum. Sjálfsvirðingunni. Hvernig geta þessir menn haldið áfram í stjórnmálum? Hvernig er hægt að taka mark á þessum mönnum aftur? Hvernig er hægt að bera snefil af virðingu fyrir þeim? Þeir láta penetrera sig á miðjum Austurvelli og það af Davíð Oddssyni. Þeir eiga sér engar málsbætur.

Þeir áttu tækifæri á því að skara framúr í íslenskum stjórnmálum en verða nú aldrei meira en litlir Össurar í mínum augum. Litlir aðstoðarmenn. Ritarar.Gimp sem mæta í Kastljós og verja allt sem samflokksmenn gera og segja.

Hefur Davíð Oddson í raun og veru þessi völd að geta sett hvaða lög sem hann vill án þess að nokkur samflokksmaður segi múkk? Ég hefði haldið ekki, og þessir ungu ósjálfstæðismenn hefðu eflaust neitað því fyrir nokkrum mánuðum síðan.En nú hefur annað komið í ljós.

Hann hefur greinilega þessi völd og fær að gera það sem honum sýnist. En af hverju?, spyr maður sig. Hvaða hreðjatak hefur hann á samflokksmönnum sínum? Skulda þeir honum pening? Á hann ljósmyndir af öllum þingflokknum í orgíu með dýrum í húsdýragarðinum sem hann hótar að birta í mogganum ef menn samþykkja ekki allt sem hann segir? Hvað er að?

Einhverjir vilja meina að ungu kjúklingarnir í Sjálfstæðisflokknum væru að stofna pólitískri framtíð sinni í hættu með þvi að samþykkja ekki þetta frumvarp. Þeir ættu að hugsa sig aðeins betur um því þeirra framtíð er engin ef þeir samþykkja það.

Davíð Oddson er búinn að vera í íslenskri pólitík.Vil ekki sjá hann lengur á ráðherrastól. Hann má halda áfram að skrifa þessar meinlausu, bitlausu, stefnulausu, tussulegu smásögur sínar en hann fær ekki fleiri atkvæði frá mér.Vandinn er bara sá að það er enginn til að taka við af honum. Enginn sem hefur hugsjónina, sannfæringarkraftinn og viljann til að breyta því sem breyta þarf. Dagar Sjálfstæðisflokksins eru taldir.

Allir í félag frjálshyggjumanna.

2004-05-09T14:16:00.000-07:00

Ánægður með Ólfinn að búa til vettvang fyrir okkur hagfræðinganna til að ræða menn og málefni..

2004-05-09T14:01:00.000-07:00

Gabb aldarinnar
Í dag var nokkuð sem kallað hefur verið "gabb aldarinnar" afhjúpað á blaðamannafundi á Hótel Nordica. Þrír ungir þingmenn Sjálfstæðisflokksins sögðu að nú væri "nóg komið af gríni" og tími á að afhjúpa sannleikann. Birgir Ármannsson útskýrir:

"Við vorum þrír strákar á leiðinni að læra sæðingar í Landbúnaðarskólanum á Hvanneyri. Þá bauðst okkur að taka þátt í raunveruleikasjónvarpsþætti þar sem við áttum að keppast um hver kæmist fyrstur á þing fyrir Sjálfstæðisflokkinn. Við tókum boðinu og vorum strax skráðir í Sjálfstæðisflokkinn og í lögfræði í Háskólanum." "Svo keypti maður sér jakkaföt og las aftan á gamla bók frá Hannesi Hólmsteini" heldur Sigurður Kári áfram. "Ég vil bara koma því á framfæri að allt þetta tal mitt um frelsi var bara djók."

Að lokum segir Bjarni Benediktsson: "Ég vil að það komi fram að við erum ekki þessir stífu gaurar eins og allir halda. Oft hittumst við bara þegilega klæddir -í mussu eða ullarpeysu- og spjöllum um kosti kommúnisma."

Raunveruleikaþátturinn verður sýndur á Fjölmiðli Íslands á næstunni.

2004-05-02T17:25:00.000-07:00

Áfram ríkisstjórnin!

Það hvarflaði að mér eitt augnablik að ef setja ætti lög til að hindra að Berlusconi-týpur eignist meira en X% af fjölmiðlamarkaði ætti bara að setja eitt einfalt ákvæði í lög: “Bannað að eiga meira en X% af fjölmiðlamarkaði” Í staðinn fyrir að banna stórum hluta fjárfesta að eiga fjölmiðla.
En svo hugsaði ég nei: Af hverju að ráðast beint að vörtunni á fingrinum þegar hægt er að höggva hana af við öxl. Þá hverfur hún örugglega. Skiptir engu hvort sjúklingurinn drepist því þá mun vartan allavega ekki angra neinn aftur.

Best er að setja lög sem til dæmis tryggja að hinn markaðsráðandi sápuframleiðandi Frigg nái ekki hreðjataki á seríós-lesningu landsmanna. Slíkt myndi enda með engu öðru en heilaþvætti. Hver á þá að tryggja að landsmenn gangi ekki um eins og dáleiddar dúfur, ranglega sannfærðir um að allt sé í himnalagi í sápuiðnaðnum á Íslandi? Hver á þá að sjá um að samsæri gegn neytendum sé ekki í gangi? Samkeppnisstofnun og Neytendasamtökin? Sjá ekki allir að slíkt verður aldrei framkvæmanlegt öðruvísi en að banna öllum öðrum en Neytendasamtökunum að eiga einkarekna fjölmiðla og með því að efla RÚV og sameina það Samkeppnisstofnun.

Í því samhengi ber að ítreka að yfirburðastaða RÚV á auglýsingamarkaði hefur ekkert með það að gera öðrum fjölmiðlum gangi illa að fóta sig á markaðnum. Yrði RÚV fjarlægt af auglýsingamarkaði myndu auglýsendur áreiðanlega leggja auglýsingastarfsemi niður að mestu en ekki auglýsa í fréttatíma Stöðvar 2 eða Skjás eins.

Allir sjá að það er miklu verra að fyrirtæki eigi fjölmiðla heldur en t.d. fólk með stjórnmálaleg tengsl. Það er nefnilega miklu hættulegra að fólki sé talin trú um ágæti tómatsósu heldur en að morgunblað þegi bæði yfir aðgerðum stjórnvalda gegn Falun Gong og glæpum vinar síns á Alþingi. Það er líka miklu verra en hin miklu ítök sem stjórnvöld hafa í RÚV.